В ноябре 2016 года в новой редакции вышел альбом Александра Виславского "Маленьне за Беларусь".
Аляксандр ВІСЛАЎСКІ, спявак, аўтар песень, мульты- інструменталіст, педагог
Завяршаю работу, звязаную з паэтамі, яўрэямі па нацыянальнасці, якія пісалі на беларускай мове, і якіх перакладалі на беларускую. Яна рабілася доўга і яшчэ працягвае даводзіцца да розуму. Спадзяюся, у нашай культурнай прасторы яна прагучыць у наступным годзе...
Паэзія і погляд кампазітараў: каб да слухача, а не ў шуфляду
Перспектывы праграм на вершы беларускіх паэтаў
Яшчэ напярэдадні Міжнароднага дня роднай мовы, які адзначаецца 21 лютага ва ўсім свеце, а значыць, і ў нашай краіне, у рэдакцыі "Культуры" за "круглым сталом" сабраліся... кампазітары. Зрэшты, некаторыя з іх называюць сябе больш сціпла — аўтары музыкі. Да таго ж некаторыя з прысутных з’яўляюцца яшчэ і паэтамi-песеннікамi ды выканаўцамі. У дыскусіі ўдзельнічалі народны артыст Беларусі, кампазітар Эдуард Зарыцкі (Э.З.), кампазітар і прадзюсар Алег Молчан (А.М.), аўтары і выканаўцы Зміцер ВАЙЦЮШКЕВІЧ, ён жа Тодар (Т.), Алесь Камоцкі (А.К.) і Аляксандр Віслаўскі (А.В.). Размова, якую падрыхтавалі карэспандэнт газеты “Культура”, музычны крытык Алег Клімаў (А.Кл.) і рэдактар аддзела, музыказнаўца Надзея Бунцэвіч (Н.Б.) была прысвечана спалучэнню мелодый ды высокай паэзіі. У творчым багажы гасцей “К” маюцца не толькі асобныя песні, напісаныя імі на радкі адораных i не вельмі тэкставікоў ды на творы беларускіх класікаў, але і канцэртныя праграмы ды альбомы, у якіх паэтычнай асновай сталі вершы мэтраў. Дык ці патрабуюцца слухачу канцэптуальныя музычныя праекты на вершы нацыянальных класікаў?
А.В. (Аляксандр Віслаўскі): — Я лічу сябе хрысціянскім кампазітарам. Што я ўкладаю ў гэта паняцце? На мой погляд, асноўная маса выканаўцаў “услаўляе” нейкія... безадказныя, так бы мовіць, рэчы, мала хто бярэ на сябе выхаваўчыя функцыі. Мой жа прыярытэт такі, што я праслаўляю Бога, таму для сваіх песень і вершы шукаю хрысціянскія, шукаю паэзію, у якой выказана грамадзянская пазіцыя яе аўтара. Раней гэта былі прадстаўнікі рускай класікі, такія як Меражкоўскi, Гіпіус, Маці Марыя — Лізавета Скабцова (Кузьміна-Караваева), потым канцэпцыя памянялася: сёння я засяроджаны на беларускай грамадзянскай хрысціянскай лірыцы. А прыйшоў я да яе дзякуючы сумеснай працы з Алесем Камоцкім над альбомам “Псальмы”, у якім паэтычным складнікам былі інтэрпрэтацыі Рыгорам Барадуліным псалмоў Давіда.
А.В. (Аляксандр Віслаўскі): — Мне мой сябар, які разбіраецца ў паэзіі ды музыцы і жыве ў іншай краіне, неяк сказаў: “Вы — беларускі народ — самі не разумееце, якое вы золата. З вашымі мазгамі, з вашымі ментальнасцю ды інтэлектам!.. Калі вы паэт, пішыце на сваёй роднай мове. У адваротным выпадку ваша культура будзе без галавы”.
А.В. (Аляксандр Віслаўскі): — Песні для нядаўняга альбома свайго праекта “Studio Neman” — “Маленне за Беларусь” на вершы Барадуліна — я пачаў пісаць адразу пасля пахавання дзядзькі Рыгора, са слязьмі на вачах. Перад выхадам альбома, што называецца, апрабіраваў работу на людзях: пазамінулай восенню яна была прадстаўлена ў анплагд-варыянце. Мы пракацілі праграму і па вялікіх, і па малых гарадах. Складаная паэзія, але гледачы падыходзілі, дзякавалі, плакалі, яны былі літаральна “прыбітыя”! Казалі: “Мы сядзелі ў зале, як замежнікі. Не ўсё разумелі, але як жа гэта выдатна — пачуць родную мову!” І я пераканаўся: ёсць у нашым народзе свая ментальнасць, вера, ёсць беларускі байцоўскі характар. “Маленне за Беларусь” плануем выканаць разам з Нацыянальным акадэмічным сімфанічным аркестрам. А наступная праграма будзе на вершы Янкі Купалы, дапаможа нам з ёй, дарэчы, Алесь Камоцкі.
А.В. (Аляксандр Віслаўскі): — За мяжой — у Еўропе, Амерыцы — да нацыянальных фэстаў, да нацыянальных аркестраў, да нацыянальнага мастацтва стаўленне асаблівае. Гэтая частка культуры заўсёды ў прыярытэце, яна — аблічча краіны. І дзяржава пры любых абставінах не спыняе субсідаваць яе, не скарачае фінансаванне. І падтрымлівае матэрыяльна працу тых жа кампазітараў, якія ўжо самі па сабе з’яўляюцца здабыткам краіны. Маючы такую падтрымку, яны могуць два-тры гады пісаць нейкi вялікi твор, ні на што іншае не адцягваючыся. Хацелася б, каб гэтак жа было і ў нас. А пакуль людзі-творцы з’язджаюць... І за капейкі пішуць у Маскве “бараду” для “поющих трусов”.
Читать статью полностью: http://kimpress.by/index.phtml?page=2&id=12612 #2016годкультуры
Гурт “Studio Neman”, альбом “Маленне за Беларусь”
A.: Вядома, гэты рэліз не варта разбіраць папесенна. Перад намі — класічны канцэптуальны праект, у якім галоўнае месца займаюць вершы Рыгора Барадуліна. Музыка тут, прычым музыка класная, дарослая, мудрая, высокапрафесійная, носіць усё ж крыху падначалены тэкстам характар. І гэта той жа варыянт, калі нетраплянне ў радыёфармат (маю сумневы, што трэкі альбома масава загучаць у FM-эфіры) прадыктавана не капрызам праграмных дырэктараў станцый, а тым, што прадукт гэты лепш слухаць цалкам.
Читать далее: http://kimpress.by/index.phtml?page=2&id=12488
Музыка Віслаўскі: трэба верыць у Бога, і што Ён даў нам у Беларусі рэалізавацца
Інтэрв'ю на Krynica.info
"Гледзячы на наша мінулае і сучаснасць, сутыкаючыся з вершамі Барадуліна, чалавек пачынае разумець, што карані то нашы ў хрысціянстве, культура наша хрысціянская, і быць беларусам, значыць быць беларускім хрысціянінам, ці хаця б быць носьбітам гэтай хрысціянскай па сваім паходжанні высокай культуры. Нам няма чаго саромецца сваёй мовы і сваёй гісторыі. Перафразуючы аднагосусветнага класіка, беларуская душа — хрысьціянка. І вельмі прыемна сёння бачыць усюды гэтую цягу да роднага — да арнаментаў, мовы, музыкі, і я спадзяюся, што і да веры"...
"Гледзячы на наша мінулае і сучаснасць, сутыкаючыся з вершамі Барадуліна, чалавек пачынае разумець, што карані то нашы ў хрысціянстве, культура наша хрысціянская, і быць беларусам, значыць быць беларускім хрысціянінам, ці хаця б быць носьбітам гэтай хрысціянскай па сваім паходжанні высокай культуры. Нам няма чаго саромецца сваёй мовы і сваёй гісторыі. Перафразуючы аднагосусветнага класіка, беларуская душа — хрысьціянка. І вельмі прыемна сёння бачыць усюды гэтую цягу да роднага — да арнаментаў, мовы, музыкі, і я спадзяюся, што і да веры"...
Рыгор Барадулін: праграма на вершы народнага паэта ад Аляксандра Віслаўскага
